Qondarma “Donetsk Xalq Respublikası”nın başçısı Aleksandr Zaxarçenkonun həyatının son dəqiqələri lentə alınıb.
Oxu.Az-ın verdiyi məlumata görə, video “YouTube”da “Rusiya-1” telekanalının səhifəsində dərc olunub.
Görüntülərdə bir neçə maşın binaya necə yaxınlaşdığı məlum olur.
Zaxarçenko isə avtomobillərdən birinə çıxaraq mühafizəçilərlə birgə kafeyə daxil olur və partlayış baş verir.
Qeyd edək ki, Zaxarçenko avqustun 31-də partlayış nəticəsində öldürülüb. Partlayıcı qurğu kafeyə öncədən yerləşdirilib. Zaxarçenkonun ölümündə Moskva və Kiyev bir-birilərini ittiham edirlər.
