Azərbaycanda iki polis əməkdaşı koronavirusdan ölüb.
Report-un məlumatına görə, Bakı şəhərində xəstəxanada müalicə olunan həmin şəxslərdən biri iyulun 1-də, digəri isə iyulun 4-də vəfat edib.
Həmin şəxslər polis polkovnik-leytenantı və polis mayoru rütbəsində olub.
Məlumata görə, polis polkovnik-leytenantının ölümündən bir gün əvvəl anası da vəfat edib.
Daxili İşlər Nazirliyinin Mətbuat Xidməti Oxu.Az-a faktı təsdiqləyib.
Daxili İşlər Nazirliyinin mətbuat xidmətinin rəhbəri Ehsan Zahidov bildirib ki, təəssüf ki, yayılan məlumatlar doğrudur:
“Pandemiya xəstəxanalarında müalicə olunan polis əməkdaşlarından, təəssüf ki, ikisi - polis polkovnik-leytenantı və polis mayoru həyatını itirib. Müalicəsini davam etdirən digər əməkdaşların vəziyyəti isə dəyişkən olaraq qalır.
Aralarında yüngül və orta-ağır vəziyyətdə olanları da var. Koronavirusa yoluxan digər vətəndaşlar kimi onların da müalicələri davam etdirilir”.
