“Bu günə kimi dövlət qurumlarının əməkdaşlarının 30 faizi işə çıxarılırdı. Bu günlərdə həmin göstərici 50 faizə kimi ola bilər”.
Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin İqtisadi məsələlər üzrə köməkçisi Şahmar Mövsümov bildirib.
Onun sözlərinə görə, 30-50 faiz kvota çərçivəsində hansısa bir işçi azyaşlı uşaqlarını kiminləsə qoya bilmirsə, dövlət qurumlarının rəhbərləri bu problemi həll etməlidir:
“Bunun üçün əlavə tədbirlərin görülməsinə ehtiyac görmürəm”.
