Millət vəkili Novruz Aslanovun şəhid ailələri və qazilər ilə görüşü davam edir.
13 yanvar 2021-ci il tarixdə millət vəkili bu məqsədlə İsmayıllı rayonuna növbəti səfər edib. İvanovka kəndində yaşayan şəhid Şirinov Etibar Fazil oğlunun ailəsini ziyarət edib və baş sağlığı verib. Daha sonra millət vəkili Novruz Aslanov Qalınçaq kəndində yaşayan şəhid Nəcəfov Fuad Taleh oğlunun və Rəcəbaliyev Tural Həmid oğlunun ailələrinə baş çəkib, valiedeynlərə baş sağlığı verib. Quşencə kəndində şəhid Qənbərli Taleh Abil oglunun ailəsini ziyarət edən millət vəkili baş sağlığı verərək , bütün şəhid ailələrini diqqətdə saxlayacağini bildirib. Macaxi kəndində şəhid Məmmədli Əşrəf Elman oglunun ailəsinədə olan millət vəkili şəhidin ailəsinə oz dərin ehtiramini bildirərək baş sağlığı verib.
Görüşlərdə millət vəkili şəhid ailələrinin və qazilərin daim Prezident cənab İlham Əliyevin və Birinci vitse-prezident Mehriban xanım Əliyevanın qayğısı ilə əhatə olunduqlarını, onların problemlərinin həlli üçün Prezidentin sərəncamı ilə “YAŞAT” Fondunun yaradıldığını bildirmişdir. Fond barədə onlara geniş məlumat verərək belə ailələrin problemlərinin həllində lazımi addımların atılacağını vurğulayıb.
Ziyarət edilmiş hər ailəyə zəruri ləvazimatlarla yardım edilmişdir. Məlumat üçün bildirək ki, Novruz Aslanov bundan öncə yanvarın 3-də, 6-da, 8-də və 11-də rayonda şəhid ailələri və qazilər ilə görüşmüşdür.
