Nazirliyin yeni videoçarxı
Bu gün - 11 oktyabr BMT Baş Assambleyasının qərarı ilə Beynəlxalq Qızlar günü kimi qeyd edilir. Bu günün qeyd olunmasında əsas məqsəd diqqəti qızların hüquqlarının müdafiəsinə, oğlan və qızlar arasında gender bərabərliyinin təmin olunmasına, erkən nikahların qarşısının alınmasına və müxtəlif növ ayrı-seçkilikdən əziyyət çəkən qızlara yönəltməkdir.
Tədqiqatlara əsasən dünyada orta hesabla 20-24 yaş arasında olan hər üç qadından biri 18 yaşına çatmamış ailə qurur, bu cür qızların üçdə biri 15 yaşına çatmamış nikaha sövq edilir. Uşaq nikahı əsas insan haqlarının pozulması deməkdir və qızların həyatının bütün aspektlərinə mənfi təsir göstərir.
Erkən nikahlar qızları uşaqlıq çağından məhrum edir, onlar zorla təhsildən kənar qalırlar. Həmçinin erkən nikah irsi xəstəliklərə səbəb olur, sağlamlıq imkanları məhdud uşaqlar doğulur. Eyni zamanda fiziki, psixoloji sağlamlığa zərbə dəyir. Bu da sosial cəhətdən həssas qrupların sayının artması ilə nəticələnir.
Əmək və Əhalinin Sosial Müdafiəsi Nazirliyi bu mövzuya diqqəti cəlb etmək məqsədilə yeni videoçarx hazırlayıb:
Link: https://youtu.be/YBwwduCg_I0
https://we.tl/t-QXFDYQ2Epe
