İsrail çox tezliklə İrana nüvə silahı ilə zərbə endirə bilər.
Pentaqonun keçmiş müşaviri Duqlas Makqreqor jurnalist Taker Karlsonla müsahibəsində bu ehtimalı irəli sürüb .
"Britaniyalılar və fransızlar bizimlə məsləhətləşmədən heç vaxt nüvə silahından istifadə etməzlər. Nüvə silahına sahib olduğunu etiraf etməkdən imtina edən bir ölkəyə rəhbərlik edən cənab Benyamin Netanyahu ilə də belədirmi? Mən “yox” deyərdim", - deyə o bildirib.
O, İsrailin ABŞ-ın təsdiqi olmadan bu seçimə əl ata biləcəyini və Vaşinqtonun bu barədə "özünü aldatmamalı" olduğunu söyləyib.
Taker Karlson əvvəllər İrana qarşı müharibənin yeni bir dünya nizamı qurmağa yönəldiyini bildirmişdi . "Bu müharibə bəşəriyyət üçün yeni bir dövrün, yeni bir tarixi dövrün, yeni bir dünyanın başlanğıcını qoymaq üçündür", - deyə o bildirib.
