“Hizbullah” İsrailə qarşı onlarla əməliyyat həyata keçirdiyini açıqlayıb.
Bu barədə təşkilatın rəsmi “Telegram” kanalında bildirilib.
Məlumata görə, Livanda fəaliyyət göstərən silahlı qruplaşma bazar günü İsrailə və ölkənin cənubundakı qüvvələrə qarşı ümumilikdə 63 hərbi əməliyyat keçirib.
Qeyd olunub ki, hücumlar zamanı raketlər, pilotsuz uçuş aparatları və artilleriya vasitələrindən istifadə olunub.
Qeyd edək ki, İsrail “Hizbullah”dan gələn təhdidləri əsas gətirərək Livanın cənubunda quru əməliyyatına başlayıb. Martın 2-dən bu yana İsrailin hücumları nəticəsində 1029 nəfər həyatını itirib, 2786 nəfər yaralanıb. Bir milyondan çox insan isə öz evlərini tərk etmək məcburiyyətində qalıb.
