Gəncə-Daşkəsən Regional Təhsil İdarəsinin tabeliyində fəaliyyət göstərən ümumi təhsil müəssisələrinin 6-cı siniflərində təhsil alan şagirdlərin qiymətləndirmə nəticələrinin müzakirəsi məqsədilə yerli təhsil sektorlarında görüşlərə start verilib.
Görüşlərin ilkin mərhələsində Azərbaycan dili və ədəbiyyatı fənlərini tədris edə müəllimlər iştirak ediblər. Növbəti mərhələdə təbiət və riyaziyyat fənlərini tədris edən müəllimlərin iştirakı ilə görüşlərin keçirilməsi nəzərdə tutulub.
Görüşlərin əsas məqsədi:
Şagirdlərin qiymətləndirmə nəticələrinin təhlili
Mövcud vəziyyətin qiymətləndirilməsi
Tədrisin keyfiyyətinin artırılması istiqamətində müzakirələrin aparılması
Müəllimlər arasında təcrübə mübadiləsinin təşkili
Qarşıda duran prioritetlərin müəyyən edilməsi
Bununla yanaşı, görüşlər çərçivəsində müəllimlərə metodiki tövsiyələr verilir, qiymətləndirmə meyarlarının düzgün tətbiqi və şagird nailiyyətlərinin yüksəldilməsi yolları barədə fikir mübadiləsi aparılır.
Qeyd edək ki, bu cür görüşlərin keçirilməsi təhsilin keyfiyyətinin artırılması və şagirdlərin bilik və bacarıqlarının daha da inkişaf etdirilməsi baxımından mühüm əhəmiyyət kəsb edir.
