Ötən gün Ağcabədidə səfərdə olan prezident İlham Əliyev Müdafiə Nazirliyinin "N” saylı hərbi hissəsinə baş çəkib.
AZXEBER.COM xəbər verir ki, burada müdafiə naziri, general-polkovnik Zakir Həsənov Ali Baş Komandana raport verib.
İlham Əliyev hərbi hissənin əsgər yataqxanasında olub, burada şəxsi heyət üçün yaradılmış sosial-məişət şəraitinə baxıb.
Ona interaktiv təlim-məşq sistemi barədə məlumat verilib. Bildirilib ki, burada şəxsi heyətin sinif şəraitində atəş qabiliyyətinin artırılması təlimləri keçirilir.
Prezident özü də təlim silahlarına baxıb, onların atəş qabiliyyətini yoxlayıb.
