"Bu il Qarabağda tammiqyaslı müharibə gözlənilir"
Tərəflərin kompromislərə getmək niyyətinin olmaması və ölkələr daxilində artan təzyiqlər bu il Azərbaycanla Ermənistan arasında Qarabağda tammiqyaslı hərbi əməliyyatlara gətirib çıxara bilər.
İstiPress Ermənistan xəbərlərinə istinadən xəbər verir ki, bu barədə ABŞ Milli Kəşfiyyat Agentliyinin dünyadakı risklər barədə hesabatında göstərilir. Hesabatı agentliyin direktoru Daniel Kouts bu gün Konqresə təqdim edib.
"Azərbaycanla Ermənistan arasında separatçı Dağlıq Qarabağ regionuna görə gərginlik 2016-cı ilin aprelində alovlanıb. Və hər iki tərəfin kompromislərə getmək niyətinin olmaması, daxili təzyiqlərin artması nəticəsində 2017-ci ildə tammiqyaslı hərbi əməliyyatların başlanması imkanları qalır"
Hesabatın Qafqazdakı vəziyyətə həsr olunmuş hissəsində deyilir ki, Gürcüstan yaxın vaxtlarda Avropa İttifaqı ilə münasibətlərini dərinləşdirməyə davam edəcək və NATO ilə hərbi əməkdaşlığı artıracaq.
