İranla Ermənistan arasında isti münasibətlər artan xətt üzrə davam edir.
İran parlamentinin sədri Əli Laricani Ermənistanı dost ölkə adlandıraraq bildirib ki, rəsmi Tehran həmişə Ermənistanla əməkdaşlıq etməyə hazırdır.
Bir müddət əvvəl isə İran xairici işlər naziri Ermənistanı bölgədə sülhün carçısı adlandırmışdı.
İran-Ermənistan münasibətləri barədə millət vəkili Fazil Mustafa "Ölkə.Az"-a açıqlama verib:
"İranla iki tərəfli münasibətlər konteksində məsələyə baxmalıyıq. İranın Ermənistanla münasibəti bizi incidəcək bir siyasət olsa da, hər halda biz də özümüzü qorumaq üçün istənilən ölkə ilə belə bir münasibət saxlamağa məcburuq. Azərbaycanın İsraillə çox isti münasibəti var, ancaq İranın İsraillə heç bir münasibəti yoxdur. Bunlar hamısı dövlətlərin maraqlarına uyğun addımlardır. İran bu məsələdə Azərbaycana müsəlman dövləti kimi davranmır, daha çox erməni təəssüfkeşliyini çəkir. Bu bizi narahat edəcək məsələ olsa da, biz dövlətin necə siyasət müəyyən etməsinə qarışa bilmərik. Azərbaycan ancaq qonşuluq konteksində İrana yaxınlaşa bilər, müsəlman dövləti kimi İranla münasibətlərə baxmırıq. Çünki İranla münasibətlərə müsəlman dövləti kimi baxsaq, onda gərək rəsmi Tehrandan tələb edək ki, Ermənistana münasibətdə müsəlmanları qətl edən bir dövlət kimi yanaşsınlar.
İranla münasibətləri ikitərəfli, qonşuluq konteksində davam etdirməkdən başqa yolumuz yoxdur".
İranın Ermənistanla dost münasibəti qan qohumluğu ilə əlaqələndirən millət vəkili bildirdi ki, ölkələri idarə edənlər özlərini eyni kökdən gələn millət olaraq hiss edirlər:
"İranda yaşayan azərbaycanlıların türklük düşüncəsinin zəif olmasına görə, hakimiyyətin siyasətinə təsir edəcək bir addım atmağa iradə göstərə bilmirlər".
